Getxoko Udalak 15.000 euro inbertituko ditu hezkuntzarako laguntzetan

BILBAO. Horrela, Andra Mari, Juan Bautista Zabala, Larrañazubi, San Ignacio, Zubilleta eta Romo herri ikastetxeei, Gobela eta Geroa ikastolei eta helduen hezkuntza iraunkorreko ikastetxe publikoari 7.627 euroko diru-laguntza emango zaie liburutegiak, eskulanak, kirol gaiak eta eskolaz kanpoko jarduerak eta osagarriak bete ahal izateko.

Zubileta eta Romo ikastetxe publikoek eta Julio Caro Baroja eta Artaza-Romo institutuek 3.000 euro jasoko dute, diru-laguntza gisara, ikasgela iraunkorretako jardueretarako.

Halaber, 2.818 euro izango dira "Adibidez" aldizkariaren 12. alea argitaratzeko eta eskolaz kanpoko liburutegi-programen barnean irakurtzea sustatzeko dauden jarduerentzat, Zubileta, Larrañazubi, Juan Bautista Zabala, Romo, Andra Mari, San Ignazio eta Geroan. Azkenik, Mugabarik eta ECCA Romo elkarteek 1.602 euroko diru-laguntza jasoko dute gurasoen eskoletako ekimenak egiteko.