Erlea aldizkariaren bigarren alea kalean da

Bilbo. Maiatzak 17, San Patricks eguna, aukeratu zuen Euskaltzaindiak, propio, Erlea kultura aldizkariaren azken alea aurkezteko. Irlanda du gai nagusi bigarren zenbaki honek eta Juanjo Zearreta Euskaltzaindiko kudeatzailearen eta Joxemiel Bidador idazlearen omenezko artikulu bi barne hartzen ditu. "Pozik" agertu zen Atxaga, besteak beste, Seamus Heaneyren eta Paddy Woodworthen testuak batzen dituen bigarren zenbakiaren emaitzarekin. Irlandaren hariari tiraka, "Euskal Herritik Irlandara, baina baita Irlandatik Euskal Herrirako bidaia" dela azpimarratu zuen Urrutiak.

Eguerdian, Euskaltzaindiaren Plaza Barriko egoitzan, Andres Urrutia euskaltzainburuak eta Bernardo Atxaga argitalpenaren zuzendariak, eman zuten prentsa aurrekoa. Halaber, iluntzeko 19:30ean, Kafe Antzokian, aurkezpen landuagoa egin zuten argitalpenaren inguruan: hitzaldia, errezital laburrak, bideo-emanaldi bat eta kantak ere izan ziren, Irlanda eta Euskal Herriaren inguruan. Urrutia eta Atxagaz gain, Txomin Artola, Josu Zabala, Jose Angel Irigarai, M.A. Elustondo eta Kepa Altonagak hartu zuten parte aurkezpenean.