"Dena gutxi da euskararen alde"

Bilbo. Aurpegian ikusten zaizu nola sentitzen zaren. Alai ezta?

Nola ez. Oso pozik nago. Orain dela urte asko Arratiako autoeskolan hasitako proiektu hau bide egokitik eta sendotik doala ikusten dut. Bizkaiko Foru Aldundiaren babesarekin aurrera pauso haundia ematen dugu. Orain arte gutxi ba-tzuek besterik ez genuen gazteei gidabaimena euskaraz ateratzeko aukera ematen. Sinatutako hitzarmen honekin Bizkaian 27 autoeskolek batuko dira proiektu honetan.

Arratiako gazteek gidabaimena euskeraz ateratzeko aukera orain dela hamabost urte dituztela.

Arratian, gazteen gehiengoa euskalduna da. Euskaraz bizi eta euskaraz ikasten dute. Gure hizkuntza euskara izanik zentzugabekoa zen gidabaimena ateratzeko hizkuntza bakarra gaztelera izatea. Konturatu ginen beharrizan hori zegoela eta horrela hasi ginen, apurke, apurke ametsa, errealitate bihurtzen.

Zenbat ordu bete dituzu itzulpenak egiten?

Uf. Asko. Ez dakit. Ezin dira zenbatu. Ordu asko eman ditut tesak itzultzen eta hiztegi bat sortzen. Egunez lanean nagoenez, gauetan egiten nituen lan horiek.

Zaila izan da?

Bai. Hasi ginean bakarrik geunden. Askotan pentsatu dut egindako lan guztia bertan behar uztea. Baina nire ondoan beti zegoen norbait animatzeko. Eta aurrera jarraitzen nuen. Zorionez, denborarekin beste autoeskola atzekitu dira proiektu honetara.

Pena merezi izan du?

Dena gutxi da euskararen alde.