Poteoan euskara ahotan izateko deialdia luzatu dute Mundakan

munDaka. Deialdia badabil sare sozialetan hara eta hona, baina ordenagailutik Mundakako kaleetara jauzia egitea ezinbestekoa du. Arratsaldero Poteoa izenburupean, Mundakako Udalak euskara ahotan izateko programa abian jarri du urte amaierara arte. "Herritarren arteko erlazioetan euskara sustatzeko asmoarekin" sortu dute egitasmoa, baina batez ere "tabernetan".

Euskara Planaren baitan egin zuen iaz Udalak diagnosia, eta beronek tabernetan "euskararen presentzia urria nabarmendu zuen", gaineratu dutenez. Horrexegatik, egoera honi buelta emateko, Mundakako Udalak "poteoan joateko edota aktibitate komunak gara-tzeko" herritarren taldeak sortuko ditu. Udaletxean, liburutegian zein Turismo Bulegoan, apirilaren 18ra arte dute izena emateko aukera herritarrek.

"Antzeko adina eta euskera maila duten bost edo sei laguneko taldeak osatzea da asmoa, hamabostero poteoan joateko edo taldeak aurretiaz erabakitako aktibitate baten aritzeko", azaldu dute Udaleko bozeramaileek. Gainera, "talde bakoi-tzeko kideek araudi bat jarri eta bete beharko dute, eta ostiralero elkartuko dira". Horrez gain, "sortzen den talde bakoitzak "dirulaguntza bat hartuko du eta taldeak erabakiko du zertan erabili". Izena eman nahi dutenek udaletxean goizeko 09:00etatik 14:00etara arte, eta Turismo Bulegoan edota Udal Liburutegian astelehenetik ostiralera -beti ere arratsaldeetan baino ez- egin ahal izango dute.