Maria Madariaga emakume gernikarrak 101 urte bete ditu gaur

Gernika-Lumo. Cava apur batekin topa eginez hasi zituen atzo Maria Madariaga Zarrabeitia gernikarrak gaur bertan betetzen dituen 101 urteen aldeko ospakizunak. Oso urruti geratzen da dagoeneko bera munduratu zen 1911ko otsailaren 11 hura, dena dela pozik agertu zen atzoko ekitaldi ofizialean. Mende bat baino gehiago bete izanagatik ez zuen arazorik izan, bere senitarteko eta lagun batzurekin batera, Gernika-Lumoko udaletxera joan ahal izateko Jose Maria Gorroño alkatearen eskutik plaka oroigarria jaso-tzeko. Seguru egunean zehar hainbat eta hainbat zorion agur jasoko dituela gaurkoan. Argazkia: DEIA