Iribarri omenaldia, debuta egin zuenetik 50 urte igaro direnean

BILBO. Talde bilbotarrak bere webgunean jakinarazi du 'Txopoak' Malagaren aurkako partidaren (19:50) atarikoan jasoko duela omenaldia, eta zaleei San Mamesera ohi baino ordu laurden lehenago joateko deia egin diete. Bitxia bada ere, Malagaren aurkako partida batean egin zuen debuta Iribarrek lehen taldearekin, 1962eko irailaren 23an, La Rosaledan.

Joxe Angel Iribarrek, Athleticen historiako atezain onenak, 600dik gora partida jokatu zituen talde zurigorriarekin ia bi hamarkadako ibilbidean. Bi Kopa Athleticekin eta Eurokopa bat Espainiako  selekzioarekin izan ziren bere garaipenik handienak.