Eta izarren hautsa bilakatu zen bizigai Donostian

BILBO. Euskal Herri osoa ziklogenesis delakoaren zain dagoela, Donostian bestelako ardurak dituzte. Zinemaldia bete-betean dago eta izar zaparrada galanta jaso zuten atzo Gipuzkoako hiriburuan, krisialdia disimulatzeko adina glamour erantsiz hiri zaharrari. Izarrek harrera ezinhobea izan zuten: giro udatiarra eta zaletuak pozak zoratzen. Flashen amuari jarraika, aktoreek beraien irribarrerik ederrenak agertu zituzten. Batzuk naturalak, bestetsuk kalkulatuak. Alfonbra gorritik pasatu ziren, besteak beste, Ben Affleck eta Alain Arkin, Oliver Stone zuzendaria eta John Travolta, Isabelle Huppert eta Fabrice Luchini, Pablo Berger zuzendaria, Maribel Verdú eta Inma Cuesta. Dena distira eta urrea. Edo trumoia iragartzen duten printzak?