Nagusientzako antzerki tailerra eta zeramika ikastaroa antolatu ditu Bermeoko Udalak

BILBO. Nagusientzako antzerki tailerrari dagokionez, aurten hirugarren edizioa izango da, eta irakaslea, aurreko ikasturtean bezala, Eneritz Artetxe antzezlea izango da. Ikastaroa, urte osokoa, ostegunetan izango da, 19:00etatik 21:00etara. Hiru hileroko kuota 50 eurokoa izango da.

Antzerkiaren oinarrizko ezagutzak -gorputzaren mugimendua, inprobisazioa, ahotsa eta abar- lantzen diren tailerrean hamar pertsona inguruk parte hartu zuten pasa den urtean, eta guztiek parte hartu zuten "Gernika Sutan" kale antzerkian eta "Urperatutako Argiak, Galarrena kantata" ikuskizunean.

Bestalde, zeramika ikastaroa urriaren 19tik abenduaren 21a arte izango da, ostiraletan, 18:00etatik 20:00etara, eta irakaslea Mari José Dapausa Buztina Zeramika Taldeko kidea izango da. Prezioa 40 eurokoa izango da.