Milaka esperantzaren topalekua

iazkoan udal eta foru hauteskundeak izan ziren hizpide nagusi eta aurtengo Alderdi Egunak etorkizunera bota zuen begirada, beste behin. Urriaren 21eko hitzordu erabakiorrera, hain zuzen. Euskadiren etorkizuna da jokoan eta datozen asteetako kanpainari behar bezala ekiteko, indarrak batzeko egun aproposa izan zen atzokoa. PPk lagundutako Patxi Lopezen azken legegintzaldia atzean utzita, milaka militante eta jarraitzailez osatutako oinarri sendoa duela azaleratu zuen EAJk Forondako zelai zabaletan.

Lainoek estali ezin zituzten eguzpi izpien azpian milaka jeltzalek eman zioten sostengua Urkulluri, alderdiak estropada gogorra duelaren jakitun. Krisiaren olatuen talkei branka erakutsiz Euskadik aurrera egingo duela "argi eta garbi" azaldu zuten bertaratutako askok, hautagai jeltzalea patroi lanetan bada, behin-tzat. Hala zioten, adibidez, Alderdi Egunera bertaratutako bermeotarrek -eta hauek itsasoa zer den jakin badakite-, eta baita egoera ekonomikoaren eraginak egunero paira-tzen dituzten hainbat familiek ere.

Kanpainan euskaldunen itxaropenak pizteko beharra dagoela jakinez, Alderdi Eguna datozen asteetako erronkarako indarrak batzeko jardunaldia izan zen. Euskadi berri baten aldeko milaka eta milaka esperantzen topaleku.