DeiaDeia. Noticias de Bizkaia - Noticias de última hora de Bizkaia, Euskadi e internacionales. Deia. 40 urteDeia. 40 urte

Saltar al Contenido

Períodico de Deia
instalazioak egokitzen

Eusko Jaurlaritza 256 ikastetxe publikotan ari da egokitze-lanak burutzen uda honetan

Hezkuntza Sailak 4,2 milioi euro bideratu ditu obra txiki hauetarako

d.d. - 2017(e)ko abuztuaren 12a, larunbata - 11:39etan eguneratua

votos | ¡comenta!
  • Mail
Pintaketa lanak Haur eta Lehen Hezkuntzako ikastetxe batean.

Pintaketa lanak Haur eta Lehen Hezkuntzako ikastetxe batean. (Irekia)

Galería Noticia

Hezkuntza Saila 256 ikastetxe publikotan ari da uda honetan instalazioak egokitu eta hobetzeko lanak burutzen, ikasleen opor garai bete-betean. Ikasturte berrirako eskolak egoki atontzea helburu hartuta, eta instalaziook funtzionaltasun, erabilgarritasun nahiz segurtasun maila egokietan zaintzeko xedez, Hezkuntza Sailak orotara 4,2 milioi euro bideratu ditu udan burutzen diren lan hauetarako.

BILBO. Obra txikiak dira guztiak ere, konplexutasun teknikorik gabeak, eraikuntza-lanik edo diru-kopuru handirik behar ez duten lanak, eta proiektu teknikorik eskatzen ez dutenak. Ezaugarri hauei esker lanen kontratazioa modu erraz eta arinean egin daiteke, eta beraz, Hezkuntza Sailak ere azkarrago eta eraginkortasun handiagoz eman diezaieke erantzuna ikastetxeek ikasturte berrirako dituzten premiei.

Ikastetxeak hutsik dauden garaia baliatuta, eta hortaz, hauen eguneroko martxan trabarik egin eta eragozpenik eragin gabe, udako opor garaia egokia da, besteak beste, gisa honetako lanak burutzeko: estalgarriak eta akaberak taxutu; zoru nahiz sabaiak konpondu; espazioak birbanatu; gas edo elektrizitate instalazioak berritu; eraikuntza-elementuak egokitu; leiho eta kristalak aldatu; barneko arotzeria-osagaiak konpondu; kanpoaldeko zoladurak egokitu; pintaketa lanak egin; kanilak, erradiadoreak edo argiteria aldatu… eskola-instalazioek behar duten edozein konponketa txiki, azken finean.

Instalazioak egokitu eta hobetzeko lanak egiten ari diren 256 ikastetxe horien artean, 87 Haur eta Lehen Hezkuntzako ikastetxeak dira (10 ikastetxe Araban, 49 Bizkaian eta 28 Gipuzkoan), eta gainerako 169ak aldiz, Bigarren Hezkuntzakoak (13 Araban, 79 Bizkaian eta 77 Gipuzkoan).

votos | ¡comenta!
  • Mail

Herramientas de Contenido

COMENTARIOS: Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Euskadi

ir a Euskadi »

Últimas Noticias Multimedia

Encuestas

ver listado completo »

Publicidad

  • © Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120