DeiaDeia. Noticias de Bizkaia - Noticias de última hora de Bizkaia, Euskadi e internacionales. Deia. 40 urteDeia. 40 urte

Saltar al Contenido

Períodico de Deia
Culinary Zinema saila

Asiako eta Europako gastronomietan oinarritutako zazpi lanek osatuko dute Donostiako Zinemaldia

EUROPA PRESS - 2017(e)ko irailaren 2a, larunbata - 12:31etan eguneratua

votos | ¡comenta!
Donostiako Zinemaldia Culinary Zinema saila

Donostiako Zinemaldia Culinary Zinema saila

Galería Noticia

Donostia Zinemaldiko 65. edizioak zazpi lan eskainiko ditu zinema  eta gastronomia elkartzen dituen Culinary Zinema sailaren zazpigarren  aldian. Zazpi filmek Asiako eta Europako gastronomietan oinarritutako  istorioak aurkeztuko dituzte, eta amaierako lana "The Trip to Spain"  izango da, Michael Winterbottom zinemagile ingelesak Steve Coogan eta  Rob Brydonekin batera zuzenduriko filma.

DONOSTIA. Culinary Zinema sailaren aurkezpena ostiral honetan izan da,  Basque Culinary Center zentroan, Jose Luis Rebordinos Donostiako  Zinemaldiko zuzendaria eta Joxe Mari Aizega Basque Culinary  Centerreko zuzendaria tartean zirela.

Saila inauguratuko duen filma "Michelin Stars - Tales from the  Kitchen" izango da, irailaren 23an. Rasmus Dinesen daniarraren lanak  Michelin gidaren handitasun eta miseriei heldu die, gastronomiaren  urrezko aroa bizi den garaian.

Bestalde, Laura Collado zuzenariak eta Jim Loomis argazki  zuzendari eta muntatzailea "Constructing Albert" film luzea zuzendu  dute elkarrekin, "munduko sukaldari gutxietsienaren" inguruan, hau  da, El Bulli jatetxearen sortzailearen anaia den Albert Adriaren  inguruan. Filma irailaren 28an ikusi ahalko da.

Halaber, irailaren 26an "E il cibo va / Food on the Go" filma  izango da ikusgai. Bertan, erbesteko sukaldaritza italiarraren  tradizioan sakondu du Mercedes Cordovak, milioika emigrante  italiarrek Argentinara diaspora egin eta ehun urtera.

Gainera, Ofir Raul Graizer zuzendariaren "The Cakemaker" lehen  film luzeak pastelgile aleman pastelgile gazte baten istorioa  kontatzen du. Bere maitalearen heriotzaren ondoren, Jerusalemera  joango da erantzunen bila. Filma irailaren 24an ikusi ahal izango  da.

Bestalde, Koki Shigeno telebistarako dokumentalen zuzendariak  "Ramen Heads" bere lehen film luzea egin du, eta irailaren 25ean  aurkeztuko du Donostian. Japoniako gaur egungo ramen erregea den  Osamu Tomita gidari duela, 15 hilabetez arakatuko ditu plater horren  maisuen eta haren jarraitzaile ugarien bizitzak.

Halaber, Masakazu Fukatsu film luzearen arloan estreinatu da "Papa  no obento wa sekaiichi / Dad's Lunch Box" lanarekin. Aita-alaba  batzuen benetako istorioari buruzkoa da -sare sozialetan biral  bihurtu zen-, eta irailaren 27an izango da ikusgai.

WINTERBOTTOM

Michael Winterbottom Donostia Zinemaldiaren atzera begirako baten  protagonista izan zen 2003an eta Sail Ofizialean lehiatu zen "Nine  Songs" (2004, argazki onenaren saria), "Tristam Shandy: A Cock and  Bull Story" (2005) eta "Genova" (2008, Zuzendari Onenaren Zilarrezko  Maskorra) filmekin. Orain, Culinary Zinema sailan parte hartuko du  lehen aldiz, "The Trip to Spain" filmarekin.

"The Trip" eta "The Trip to Italy" lanen ondoren, Steve Coogan  ("Philomena") eta Rob Brydon ("Would I Lie to You?") antzezleekin  batera aritu da berriro, Espainian zehar kostalde atlantikotik  mediterraneora egindako errepide bidaia batean sei lekutan jan  dituzten sei otordu xehatzeko.

AFARIAK

Aurreko urteetan bezala, filmaren edukiekin lotura duen afari  batekin osatuko da emanaldi bakoitzaren esperientzia. Horrela, hiru  sukaldari arduratuko dira inaugurazioko afariaz: Elena Arzak  (Donostiako Arzak jatetxea), Latinoamerikako emakumezko sukaldari  onena hautatua izan den Kamilla Seidler (La Pazeko Gustu jatetxea)  eta Alain Weissgerber Austriako Schützen am Gebirge herrian dagoen  Taubenkobel jatetxekoa.

Halaber, Ruben Trincadok (Donostiako Mirador de Ulia), Daniel  Lopezek(Donostiako Kokotxa) eta Kepa Txapartegik (Hondarribiako  Alameda) "Constructing Albert" filman oinarrituko dute afaria, eta  Mutsuo Kowaki japoniar sukaldariak bento-kutxa fina prestatuko du  "Papa no obento wa sekaiichi / Dad's Lunch Box" filmaren istorioaren  omenez.

"Ramen Heads" filmarekin lotutako afaria Osamu Tomitak berak  prestatuko du, Japoniako ramen sukaldari ospetsuenak, hain zuzen, eta  Andrea Tumbarello Madrilgo Don Giovanni jatetxeko sukaldariak "E il  cibo va" filman ageri den erbesteko janaria iradokiko du.

Gainera, Tomas Kalika Buenos Aireseko Mishiguene jatetxean munduko  sukaldaritza judutarraren errezeten ondarea berreskuratzen duen  sukaldaria eta Ni neu jatetxeko Mikel Gallo "The Cakemaker" filman  oinarrituko dira.

Azkenik, Enrique Fleischmann mexikar sukaldari eta Txoko Getaria  eta Bidaniako Bailara jatetxeen jabeak eta Jorge Maestro Sigüenzako  nöla jatetxeko sukaldariak batera prestatuko dute amaierako afaria.  Txoko eta nöla "The Trip to Spain" filman ageri diren jatetxeetako bi  dira.

"The Cakemaker" filmaren emanaldia eta afaria izan ezik -Ni neu  jatetxean egingo dira-, gainerako guztiak Basque Culinary Centerren  izango dira. Emanaldira eta afarira joateko sarrerak irailaren 4an  jarriko dira salgai, 09:00etatik aurrera, 70 euroan, Zinemaldiaren  eta Kutxabanken web orrien bitartez. Filmak soilik ikusteko sarrerak  irailaren 17tik aurrera jarriko dira salgai, 7,20 euroan. Culinary  Zinema saila Nespressok babesten du.

votos | ¡comenta!

Herramientas de Contenido

COMENTARIOS: Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Deia se reserva el derecho a eliminarlos.

Más sobre Cultura

ir a Cultura »

Últimas Noticias Multimedia

  • © Editorial Iparraguirre, S.A.
  • Camino de Capuchinos, 6, 5ºC Bilbao
  • Tel 944 599 100, Fax 944 599 120