Akordio hauek guztiak bihar onetsiko ditu Gobernu Batzordeak eta hauei esker Bilboko Euskara Sailak elkarte hauek antolatzen dituzten ekimenetan parte-hartzeko konpromisoa hartzen du. Euskara Sailak 12.500 eta 24.000 euro bitarteko laguntzak emango dizkie enpresa hauei. Panpotx Kultur Elkartea jolas eta tailerrak antolatuko ditu hiriko ikastetxe askotan eskola ordutik kanpo eta 23.100 euro ordainduko dizkio Udalak programa hauek gauzatu ahal izateko. Bizkaiko Guraso Elkarteak ikastetxeetako guraso elkarteen koordinazioan dihardu eta Bilboko hezkuntza komunitatean euskararen erabilera egonkortzeko hainbat programa gauzatuko ditu 12.500 euroko diru-laguntza jasoz.
Bizkaiko Ikastolen Elkartea, besteak beste, Umeen eta Gaztetxoen XXV. Bertsolari txapelketaren antolaketaz arduratuko da aurten. Horrez gain, euskara taldeak osatuko ditu Bigarren Hezkuntzako ikasleen artean eta hizkuntzaren alde ospatzen diren jaietan, bilbotarrentzako garraio zerbitzuarekin lagunduko du. Euskara Sailak 24.000 euroko laguntza emango dio.
Udalak eta Zazpi Kaleetako Merkatarien Elkarteak sinatu duten hitzarmenak merkataritzan euskararen presentzia areagotzea du helburu. Horretarako, Elkarteak hainbat ekimen egingo ditu: errotulazio elebiduna sustatu, prentsa oharrak bi hizkuntza ofizialetan argitara eman... Merkatarien Elkarteak 19.000 euro jasoko ditu. Azkenik, "nontzeberri.com" gune digitalaren bitartez teknologia berrien esparruan aritzen den Suspergintza elkartea 13.500 euro jasoko ditu euskararen erabilera Interneten sustatzeko.
