Ikaslan Gipuzkoako Lanbide Heziketako 24 zentro publikok hartuko dute parte ekimen honetan, eta hezkuntza arloko profesionalei nahiz DBH eta Batxilergoko azken ikasturteetako ikasleei eta interesa duen edonori oro har zuzendua dago. Horrela, ate irekiko jardunaldiak gaurtik ostiralera bitartean eskainiko dira, Ikaslan Gipuzkoa osotzen duten zentro desberdinetan, 9,00etatik 13,30etara goizez, eta 16.00etatik 18,30etara arratsaldez.
Lanbide Heziketaren garapenarekin zuzenki lotutako alorrez gain, saio hauetan Ikaslanek atzerrian edota hemengo enpresetan praktikak egiteko aukerari buruz eta laneratzeari buruz informazioa eskainiko du. Ideia ekintzaileak bultzatzen dituzten proiektuak, kalitate sistemak edo ikasketa hauek era ez erregulatuan egiteko aukeraz ere hitz egingo dute jardunaldi hauetan.
Elementu hauez gain, Ikaslan Gipuzkoak beste dibulgazio ekintza batzuk ere martxan jarrito ditu: bluetooth bitartez deskargatu daitekeen materiala erabiliko du, adibidez ikus-entzunekoen bitartez, orain lanean dauden ikasle-ohien testigantzak entzun ahal izateko. Jardunaldietan parte hartzen duten guztiek jasoko duten informazio materialez gain, USB bana ere banatuko da eta guztiek ordenagailu eramangarri baten zozketan hartuko dute parte.
Ikaslan Gipuzkoa Gipuzkoako Lanbide Heziketako Hezkuntza Publikoen Institutu Publikoen Elkarteak 1993. urteaz geroztik garatzen ditu bere jarduerak, eta Gipuzkoako Lanbide Heziketako 24 ikastetxe publiko biltzen dira bertan.
