 |
|
TELEVISIÓN
|
|
|
|
|
|
|
|
|
Siberiako hotza
|
|
Behatokia
Andoni Iturbe
|
|
Zorioneko gara. Bin Laden atxilotzeko gero eta gertuago omen daude CIAko agenteak, Bush AEBetako presidenteak aste honetan bertan adierazi duenez. Beldurraren dinamika berriro abian da gizartea kontrolpean edukitzeko: «Bere mezuak argi erakusten du gure lurraldean erasotzeko asmoa duela».
Hauteskunde kanpainek ez dute inoiz lokartzen, Ameriketako Estatu Batuetan behinik behin, eta enpresek nahikoa dute bezeroen kreditu txartelak astindu eta erosteko behar izanak sortzearekin.
Martxoak 11ren urtemuga ere gertu dago, data hori Estatuko Dolu Eguna bihurtzeraino. Egun gogorrak izan ziren haiek, latzak duda barik, izuak eta gerta zitekeenarekin larriturik.
Oraindik ez dira behar bezalako ikerketarik egin egun horietan komunikabideek izan zuten garrantziaz jabetzeko, Urdacik bere hitzak jarri badizkio ere.
Urdaci nafarraren erkidegoan askok Teleberri ikus dezakete, eta bertan ikus daitezkeen albisteak gizarte konplexu honen isla dira: presoen familien mina, Lehendakaritzako hautagaien politika, Getxo ETAren aurkako eredu hartuz -San Gilek esan bezala-, eta bien artean Elkarri-ren mezua indarkeriak esklusioa ezin duela erakarri esanez (atzoko gaiak).
Hori guztia ikusita, politika lanpostu bat gehiago dela esateak zaila dirudi baina Ibarra editoreak horixe esan zuen atzo, bi ezindu politikarien kasuak aurkezterakoan.
Euskal gatazkak hedabideen lehen gaia izateari utzi dio beste eztabaidaguneak nagusituz joan diren neurrian: katalanen "seny" ospetsua iraganera begira dago.
Zentralismoa elurrarekin ere ikusi dugu Telediarion. Madrilen azken hamarkadetako elurterik handiena egin zuenean minutu asko eskaini zizkioten albiste hari. Madrilen elurra egiten badu, gainontzeko elurteak soberan daude. Siberiako hotzak zentralismoa bere lekuan utzi du. |
|
|
|
|
|
|
