 |
|
|
 |
"Xabiroi" komikiaren proiektuan parte hartzen dutenetako batzuk, Euskalduna Jauregian. Javier Balledor |
|
| MÁS INFORMACIÓN |
 |
|
|
|
|
TELEVISIÓN
|
|
|
|
|
|
|
|
|
Komikien ziztada euskaraz sentitzeko gonbita
|
|
"Xabiroi" komikia aurkeztu du Euskal Herriko Ikastolen Konfederazioak, Bilbon
|
|
|
Alain Laiseka Bilbo
|
|
Gazteen esparrua izaten da komikia. Hor, marrazki eta letra artean, hasi ohi dute irakurketarekin harremana. Letren munduaren ataria da komikia. Errazago suerta-tzen zaie. Erakargarriagoa. Euskal Herrian,baina hegoaldean batez ere, euskarazko komikigintzak tarte eskasa dauka. Tamalez. Euskarak galduta ikusten du bere burua, erabat arrotz zaion hizkuntza berezi, ziztagarri, batean. Gazteek erdarara jotzen dute. Ze erremedio! Bai eta ingelesera ere, zenbait kasutan. Euskarak galduta izan duen "guda" horretan sar-tzeko asmoz, Euskal Herriko Ikastolen Konfederazioak kalitate handiko gidoi eta irudiak dituen komikia plazaratu berri du, "Xabiroi".
Atzo egin zuten, Bilbon, komikiaren lehenengo zenbakiaren aurkezpena. Ikastolen Konfederazioko lehendakari Pedro Aranburuk azpimarratu zuenez, euskara esparru berrietara zabaltzeko beharrak bultzatuta hartu dute komikigintzaren aldeko apostua egiteko erabakia: «Hizkuntzak ez dira museo batean, lau hormen artean, egoteko jaio. Trukatzeko sortu dira eta horregatik beharrezkoa ikusten dugu espazio berrietara zabal-tzea. Ikastolen lana erdibidean gelditzen da baldin eta euskara kalera eramaten ez badugu». Asmo horrekin sortu dute "Xabiroi", euskara gazteek gustuko dituzten jardueretara zabaltzeko. «Euskararen ibilian aurrera egiteko mugarri bat da honakoa. Baina aurrerago ere beste ba-tzuk etorriko dira», jakinarazi zuen Aranburuk.
Eusko Jaurlaritzaren eta Bizkaiko eta Gipuzkoako Foru Aldundien babesa jaso du proiektuak. Euskara Sustatzeko Jaurlaritzako arduradun Lorea Bilbaoren esanetan, «gazteei euren hizkera naturala garatzeko aukera eman behar diegu. Euskararen inguruko gaitasuna aurrera doan bitartean, erabilerarekin ez da gauza bera gertatzen, kaleko giroa ez delako euskaldundu. Hizkuntza erabil-tzeko aukerak behar dira».
Urtero hiru ale kaleratuko dira: bat urrian, hurrengoa otsailean eta hirugarren ekainean. Zenbaki bakoitzak 36 orrialde izango ditu. Gainera, bi urteren buruan, komiki batzuren bildumak kaleratuko dira: Landa eta Joxean Muñozen "Saiak"; Iñaki G. Holgado eta Harkaitz Canoren "Pizti o-tzanak"; edota Dani Fanoren "TeleATOI: Arbi haluzinogenoak". |
|
