 |
| MÁS INFORMACIÓN |
|
|
|
|
|
|
Lea Artibai Ikastetxeak bere urteurrenak ospatzen ditu gaur, Ibarretxe lehendakariarekin
|
|
30 urte betetzen dira ikastetxea kooperatiba bihurtu zenetik eta 2007an 50 beteko dira "Eskola Zaharra"k jarduera hasi zuenetik
|
|
|
I. Alberdi Markina-Xemein
|
|
GAUR Lea-Artibai ikastetxeak bi urteurren ospatuko ditu batera. Izan ere, orain dela 30 urte ikastetxea kooperatiba bihurtu zen eta datorren urtean 50 beteko dira ikastetxea martxan jarri zenetik. Efemeride hau ospatzeko hainbat ekitaldi antolatu dituzte ikastetxeko arduradunek eta, guztien artean, Ibarre-txe lehendakariaren presentzia nabarmentzen da.
Goizeko 11.30ean egingo zaio harrera eliza atzeko aparkalekuan eta bertan izango dira Jose Luis Olasolo, Lea Artibai ikastetxeko lehendakaria; Mikel Gorostizaga, ikastetxeko zuzendaria; Jesus Catania, MCCko lehendakaria; Julio Artetxe, Bizkaiko Foru Aldundiko Lan eta Trebakuntzako foru diputatua; eta Javier Alberdi, Markina-Xemeingo alkatea. Ekitaldian Tontxu Campos Hezkuntza sailburua ere izango da.
Ekitaldia Esperanza eraikinean izango da. Bertan harrerako aurreskua egingo zaio lehendakariari. Lehena Jose Luis Olasolo izango da eta eskolaren errepaso historikoa egin eta eskualdearen garapenerako zer suposatu duen azalduko du. Ondoren Mikel Gorostizaga zuzendariak eskolaren etorkizuneko erronkak aurkeztuko ditu. Hitza hartuko dute ere Julio Artetxek eta Jesus Cataniak.
Azken hizlaria Ibarretxe bera izango da, baina bere parte har-tzearen aurretik oroigarri ba-tzuk banatuko dizkie ikastetxearen historian laguntza handia eman duten erakundeen ordezkariei: ikastetxeko langile eta langile ohiei, Markina-Xemeingo alkate eta alkate ohiei, Artezkaritza Kontseiluko kideei, zuzendari ohiei, amankomunazgoko lehendakari ohiei, Eusko Jaurlaritzako Hezkuntza Sailari, MCCri eta Lea Artibaiko mugimendu kooperatibistari. |
|
|
|
|
|
|
