 |
|
|
|
Bermeoko web orriak errekor berria lortu du urtarrilean, 25.055 bisitekin
|
|
|
A.Galbarriatu Bermeo
|
|
Bermeoko Udalaren webgunea egunetik egunera bere zifrak hobetzen jarraitzen du eta urtarrilean bere azken errekorra gainditu du 25.055 sesiorekin, Udalak emandako azken datuen arabera.
Iaz sasoi berean, hots, 2006ko urtarrilean, www.bermeo.org orrialdeak izan zituen bisiten kopuru orokorra 14.225koa izan zen eta ordutik aurrera errekortzat hartu zen. Halere, aurten zenbaki hori 11.000 bisitetan gainditua izan da, aurreikuspen baikorrenak ere gaindituz.
Horrela, web gune hau erreferente bilakatu da azken urtean Bermeori buruzko informazioa bilatzeko, baita herritarren arteko iritzi trukaketetan ere.
Ibilbide positibo honekin jarraitzeko asmotan, Udalak herritarren iritziak eta iradokizunak jasotzeko atal bat sortu du, non bermeotar guztiek euren proposamenak eta galderak argitaratu ditzaketen gune honen onurarako. Iritzi eta iradokizun hauek oso kontuan izango dira web honetan egingo diren berrikuntzetara begira, Antolakun-tza eta Teknologi Berrien saila izango da honen arduradun.
Herriko alkatea den Juan Carlos Goienetxeak adierazi duen bezala «espero ez genuen eran-tzuna izan dugu interneteko gune honekin, horregatik ahalik eta ahalegin handiena egingo dugu hobetzeko». |
|
|
|
|
|
|
