 |
 |
|
|
 |
BBK-k ez du haurtzaindegi zerbitzua emango aurrerantzean. I. A. |
|
|
|
Zaldupe ikastetxeko haur eskola BBK-k erabiltzen duen eraikinean egongo da datorren ikasturtean
|
|
Aurten Haur eskolen Partzuergoan sartu eta gero, aparteko beste lokal bat behar zuen
|
|
|
Iñigo Alberdi Ondarroa
|
|
DATORREN ikasturtean Par-tzuergoan sartu berri den Zaldupeko haur-eskola BBKk erabil-tzen duen Udalaren eraikinean egongo da, ikastetxea handitzeko lanak egin arte behintzat.
Zaldupe Eskolako arduradunek une honetan ume guztiak hartzeko leku aproposik ez luketela izango jakinarazi zioten Udalari, Partzuergoan sartzean aparteko eraikin baten kokatuta egon behar direlako 0 eta 2 urte bitarteko haurrak. Hori dela eta, Udal arduradunek BBKkoekin hitz egin zuten eta hauek Udal eraikina lagatzea erabaki dute, nahiz eta 2018ra arte duten lokala erabiltzeko aukera. Horrela, datorren ikasturtean aurrezki kutxak ez du haurtzaindegi zerbitzua zabalik edukiko eta leku horretan Partzuergoaren haur eskola egongo da, 0 urtetik 2 urtera bitarteko umeak hartuz.
Ondarroako Udalak 2003an eskatu zuen Haur-eskolen Par-tzuergoan sartzea baina orduan eskolako guraso eta irakasleek ez sartzea erabaki zuten, betekizun berriek gastu gehiago eta, beraz, prezioak bikoiztea suposatuko lukeelako. Gainera Ondarroan zerbitzu honen eskain-tza zabala dago, eskola publikoak, ikastola biek eta BBKk aukera ematen dutelako.
Sarean sartu ostean, baldin-tzak aldatu egingo dira. «Eskualdeko eskola guztiak daude sarean eta baldintzak berdinak dira guztietan. Bai kuota aldetik eta baita zerbitzu hobea ematearen aldetik», azaldu zuen Rakel Elu eskolako zuzendariak.
Honen berri emateko eta gurasoek ikastetxeko zerbitzuak ikus ditzaten, herriko eskola publikoak gurasoei ateak zabalduko diete gaur eta hurrengo larunbatean. |
|
|
|
|
|
|
