 |
|
|
Gautegiz-Arteaga Gaur Feria Nagusiak zaldia izango du protagonista
Feria Nagusia biziko da gaur Gautegiz-Arteagan. "Zaldiaren Eguna" gai nagusi izanik, goizeko 10:00etatik 14:30era bitartean baserriko ortuariak, gazta edo txakolina eskuragarri izango dira. Eguerdian berriz, Ttipi-Ttapa elkarteak antolatuta, zaldien erakusketa egingo da, eta ordu erdiren buruan Arteagako Gazteluaren parean jauzien eta lasterketen erakusketa. I.F.
Mundaka Bihar Alaitz Muro ipuin kontalaria izango da liburutegian
Etxeita Liburutegian Alaitz Muro umeentzako ipuin kontalaria izango da bihar arratsaldeko 18:00etatik aurrera. Aste Santuko oporrak direla eta, bestalde, liburutegia apirilaren 5etik 9ra itxita izango dela jakinarazi du Udalak. Beste egun guztietan ohiko ordutegia beteko da, 16:00etatik 20:00etara arte. I.F.
Gernika-Lumo Bihar odola emateko unitate mugikorra, Artekalean
euskadiko Odol Emaileen Elkarteak jakinarazi duenez, odol bilketako unitate mugikorra goizeko 09:15etik 14:00etara, eta arratsaldeko 16:30etik 21:00etara bitartean izango da bihar Artekalean. I.F.
|
|
|
|
|
|
|
