 |
 |
|
|
 |
Arantzazuko Santutegiko argazki bat. Ángel Ruiz de Azua |
|
|
TELEVISIÓN
|
|
|
|
|
|
|
|
|
Ostegun eta Ostiral Santuko elizkizunak, Arantzazutik
|
|
ETB-1ean eta igandekoa ETB-2n Arrasateko San Andres parrokiatik
|
|
|
A. Latorre Bilbao
|
|
Ohi denez, Aste Santuko elizkizunak Euskal Telebistan jarraitzeko aukera izango dute ikus-entzuleek. Ostegun eta Ostiral Santuko emanaldiak Arantzazuko Santutegian grabatuko dira eta ETB-1etik ikusi ahal izango dira, 18:30ean gaurkoa eta 19:00etan biharkoa. Pazko Igandeko meza ETB-2n emango da, goizeko hamaiketatik aurrera, zuzenean, Arrasateko San Andres parrokiatik.
Ostegun Santuko elizkizunak 18:30ean emango du ETB-1ek. Egun honetako ospakizuna Pazko Hirurrenaren atarikoa da. Ondorengo egunetan, Jesukristoren bizitzan gertatu zirenak sakramentuen bidez adierazi eta gertaberritzen dira. Jesusek bere ikasleekin egindako Azken Afaria ospatzen dute fededunek. Esanahi handiko bi gauza egin zituen bertan Jesusek: batetik, ikasleei oinak garbitu zizkien eta, bestetik, jateko ogia hartu, zatitu eta eman egin zien, baita edateko kaliza ere.
Ostiral Santuan, berriz, elizkizun berezia egiten da urtero. Jesusen bizitzako azken ostiralean gertatukoak gogoratzen dira, eta Jesusen nekaldia eta heriotza gertaberritzen dira. San Joanek Ebanjelioan gertaera horiei buruz egin zuen kontakizuna entzuten da. Elizaren eta mundu guztiko beharren alde otoitz egiten da gero. Hirugarren pausoa, guztion salbamenerako, Kristo gurtzea da. Azkenik, Jaunartzea egiten da, eta fededunek Jesukristoren ikasle eta jarraitzaile izan nahi dutela adierazten dute. 19:00etatik aurrera izango da ikusgai ETB-1en.
Igandeko meza santuaren emanaldia Arrasateko San Andres parrokiatik egingo du ETB-2k, zuzenean, 11:00etan.
Baita ere, mezaren ordutegia aldatu egingo da eta Aste Santu ostean, Meza Santuaren emankizuna ordu bete atzeratuko da. Aurrerantzean, goizeko hamarretatik aurrera izango da ikusgai. |
|
|
|
|
|
|
