 |
 |
|
|
 |
Agustin Ramos eta Juan Ignacio Vidarte. argazkia: deia |
|
|
|
EHUko Arte Ederretako ikasleek eta Abigail Lazkozek bat egingo dute Guggenheimean
|
|
Lankidetza-hitzarmen berri bat sinatu zuten atzo, 1998. urtean hasitako elkarlan ibilbide sendotuz.
|
|
|
S.atutxa
|
|
Bilbo. Euskal Herriko Unibertsitateko (EHU) Arte Ederretako ikasleak Abigail Lazkoz artistarekin arituko dira lanean Guggenheim Bilbao Museoko Bakoitzaren nahiera erakusketarako egingo duen obran. Ekimen hau Guggenheim Bilbao Museoak eta EHUko Arte Ederren Fakultateak sinatutako lankidetza-hitzarmenaren barnean kokatzen da.
Museo bilbotarrak eta EHUko Arte Ederren Fakultateak lankidetza-hitzarmen berri bat sinatu zuten atzo, 1998. urtean hasitako elkarlan ibilbide luzea sendotuz. Helburua, orain ere, arte plastikoak kulturalki sustatzea eta "Arte Ederren sustapena eta hedatzea" da.
Hitzarmena sinatzen, Agustin Ramos EHUko Arte Ederren Fakultateko Dekanoa, Jose Maria Herrera EHUko Unibertsitate Hedapenerako Dekanoordea eta Juan Ignacio Vidarte Guggenheim Bilbao Museoko zuzendari nagusia izan dira.
Bi erankundeen arteko lankide-tza-hitzarmen berriak hainbat ekimen hartzen ditu bere baitan. Ba-tzuk elkarrekin garatu izan dituzte museoa ireki zenetik, hala nola, praktiketako ikasleen programa. Honi esker, Arte Ederren Fakultateko 625 ikaslek lan-errealitatea ezagutu ahal izan dute museoaren alor ezberdinetan lan eginez.
Uda ostean Beste ekimen batzuk, ordea, uda ostean hasiko direnak, berriak dira eta museoak sortutako arte-jarduera interesgarrietan parte hartzeko aukera emango die Arte Ederretako ikasleei.
Hala, errealitate artistikoarekin harremanetan egongo dira curriculuma zabaldu eta heziketan sakontzen duten bitartean. Gainera, aukera askeko kredituak lortu ditzakete baita ere.
Zentzu honetan, nabarmentzekoa da museoak Arte Ederren Fakultatean izena emandako ikasle guztiei ematen dien aukera. Honi esker, 30 bat ikaslek (70ek egin zuten eskakizuna) Abigail Lazkoz (Bilbo, 1972) artistak urriaren 16an inauguratuko den Bakoitzaren nahiera erakusketarako egingo duen artelanean lagunduko dute irailaren 24tik urriaren 11ra bitartean.
Rosa Martinezek komisariatutako erakusketa honetan hainbat euskal artista garaikideren lanak egongo dira ikusgai. Lazkozek Azken joeren 130.000 urte obra aurkeztuko du, lurperatze irudien
bidez artistak heriotzaren gaia jorratzen duen murala.
Lazkozen hitzetan, artelana alde batetik "beldurren exorzismo pertsonal moduko bat" da, eta bestetik, "Sanchez-Cotan bezalako egileen pintura klasikoaren baliabideei omenaldi librea".
Gainera, Guggenheim Bilbao Museoak eta Arte Ederren Fakultateak sinatutako hitzarmenak, ikasleen heziketarekin paraleloki doazen jardueren garapena jaso-tzen du, adibidez, elkarrekin antolatutako hitzaldiak, mintegiak, ikastaroak eta abar.
Topaketa Lankidetza honen adibide argia da VIII. Arte eta Kultura topaketen barnean, Guggenheim Bilbao Museoan uztailaren 11ean eta 12an ospatuko den Artea eta sormena: adimenaren islak udako ikastaroa. Publiko orokorrari zuzendua dago eta Josu Rekalde artistak eta EHUko Arte
Ederren katedradunak eta Marta Arzak Guggenheim Bilbao Museoko Hezkuntza eta Interpretazio Saileko zuzendariordeak koordinatu dute. Ikastaroaren helburua mapa bat sortzea da, non sormenaren, hezkuntzaren eta artearen zenbait alderdik jardun psikologiko batzuekin (arteterapia, jardun psikomotoreak edo hezkuntza sortzailea) bat egiten duten. |
|
|
|
|
|
|
