 |
|
|
|
Rincones de Euskal Herria
|
|
Ezkuturik ezkutuenean
|
|
|
J.M.
|
|
Mendikute
aLTXORRA gehienetan ezkutaturik gordetzen da, isilean, eta horixe da Mendikute mendiak urteetan zehar egin duena, altxorra lur azpian ondo gordeta eduki. Nik ordea, gaurkoan, Ernio mendilerroko tontorraren altxor hori lurpetik ateratzea erabaki dut, eta zuri, aspaldiko sekretua ezagutaraztea. Begi-bistan ez dagoen arren, bada Mendikuten leku misteriotsu bat, txoko miresgarri bat, urteetan zehar hainbat kondairen gune izan dena: Mendikuteko leize zuloa. Batzuk, Jentilak kobazulo honetan bizi izan zirela diote. Besteek, haitzuloa Mariren bizilekua izan zela. Baina bada Erdi Aroko istorio ezezagun bat, euskaldunak erromatarren aurka borrokan ibili zirenekoa. Garai hartan, leize zuloa Mendikuteko gazteluaren larrialdietarako irteera zela esan ohi da, eta euskaldunek etsaiengandik ihes egiteko erabiltzen zutela. Gaur egun, nahiz eta gazteluaren arrastoak soilik bizirik dirauten, gotorlekua eta kobazuloa elkarrekin harremanetan daudela uste da eta leize zulotik maldan gora abiatuz gero gotorlekura ailegatzen dela. Hori dela eta, argi geratzen da ikusten ez diren arren existitzen diren txokoak ditugula oraindik Euskal Herrian deskubritzeko. |
|
|
|
|
|
|
