 |
 |
|
|
 |
Pier Paul Berzaitz, maite duen antzokiaren aurrean. Argazkia: Zigor alkorta |
|
|
|
Pier Paul Berzaitz lehen aldiz ariko da bakarka Arriagako antzokian larunbat honetan
|
|
Urbeltzen Axeri borda bertan behera geratu eta gero, patuak ekarri dio esperientzia ahaztezin hori.
|
|
|
Andoni Iturbe
|
|
BIlbo. Muskildiko abeslaria pozik dago egokitu zaion aferarekin. "Oso polita da hona etortzea. Esperien-tzia bakarra da", aitortu digu bere ustez Euskal Herriko antzokirik ederrena den aretotik. "Ez dago gurean horrelako leku askorik", dio. Begiak bereziki pizten zaizkio larunbateko hitzorduarekin. "Uste nuen ez zela gertatuko eta gertatu da. Behar dut egin. Patuan sinesten dut", esan digu. Izan ere, Urbeltzen lan bat zen larunbat honetan ematekoa, baina aldaketa batzuk gorabehera, Berzaitzek bere azken diskoa (Lili baten kantorea) aurkeztuko du.
Aukera paregabea izango du bizkaitar publikoarekin garai bateko arrakastak eta azken laneko lanak tartekatzeko. Baratze bat, Xalbadorren heriotzean... entzun ahal izango dira baina Berzaitzek hiru kantu berrirekin gozatuko du entzulea: Itsasoa urrun doa, Begiratzen dit (Itxaro Bordak idatzia) eta Jan Hassalle diputatuaren omenez idatzitako abesti bat okzitanieraz.
Hassalle diputatu kementsu bat da, Pariseko parlamentu aurrean gose greba bat egitera heldu zena 23 egun luzetan japoniar kapitala duen enpresa bat itxi ez zezaten. Aspeko gizon hori ez du ezagutzen, baina bidali dio abestia jakin zezan bere lehia goratu nahi izan duela.
burges bizirik ez Abesti hori egiteko nahiak agertzen du Berzaitzen mundu ikuskera. "Kantuaren bidez biziari beste gustu bat eman diezaiokegu", adierazi digu. Berak banketxe batean egiten du eta bizi ahal izango zukeen burges baten modura, telebista ikusten e.a. Baina ez omen du bizitza mota hori nahi. "Ezin gara bizi ahal publikorik gabe", gogoratzen du. Bere ama ere abeslaria zen eta egun 84 dituela ere, harro dago bere semea Arriagan egotearekin. "Haren aitaren aita, Irlandatik etorri zen Irati basora egur egitea", esan digu. Aurrekari horrekin ikusten da Berzaitz pasta bereziko dela. Kontzertu asko egiteko nahia badu ere, egitasmorik ez zaio falta. Orreaga ikuskizuna estreinatuko du Baionan 20008ko uztailaren 26an. Berak idatzi du dantza, abestia eta zaldien edertasuna biltzen duen proiektua. Orreagako guda euskal ikuskizun berritzaile batetik kontatzeko premia Baionako auzapezak ere estimatu zion, hark euskal gaiei "buelta bat" emateko gogoa zuelako.
"Pastoralek mito bereziak kontazen dituzte eta horien beharra ere badago", esan digu. Arriaga an-tzokian hiru pastoral aukeztutakoa da. Gogoratzen du nola etorri ziren 1991. urtean muskildarrak. "Askorentzat lehen aldia zen Hegoaldera etortzen zirela. Oraindik afer hura gogoratzen dugu herrian", dio.
Garai hartatik gaur arte makina bat lan egin du euskal kulturaren alde, baina ilusiorik ez du galdu. "Ez badut nire lanean sinesten, nork sinesteko du orduan?", hausnartu du. Arriaga bezalako antzoki batean berriro abesteko aukera izan dezan, aipatzen du lanean jarraitu behar duela, "eskaretzetako leku beltzetan abestea ohituago nago", dio, umiltasunez. |
|
|
|
|
|
|
