 |
|
|
|
Ondarroako udalak emakume biren aurkako erasoa salatu du
|
|
Atzo hasi zen andrazkoen kontrako indarkeriari aurre egiteko ikastaroa herrian.
|
Ondarroa. Udalak igandean herriko bi emakumek sufritutako erasoa "gogor salatu" du. Baita ere euren "elkartasuna" eta laguntza eskaini nahi izan die, "errekurtso guztiak" euren esku jarriko dituztela aginduz "eskubide guztien aurka doan tratu txar honek eragiten dizkieten ondorioak gainditzen laguntzeko".
Erasoa igande gauean gertatu zen, gizon bat bere etxera heldu eta bere alaba eta emaztea kolpatu zituenean, ubeldurak eta zauriak eraginez. Ertzaintzaren aurrean deklaratu ostean gizona aske utzi zuten astelehen goizean.
Ekintza hau herrian emakumeen kontrako indarkeriaren aurrean erresistentzi moduak izeneko ikastaroa hasi den egunotan etorri da. Hain zuzen ere atzo hasi zen bost ikaslerekin eta Udaletik jakinarazi dutenez "oso pozik daude lortutako erantzunarekin". Horrez gain hastear dauden ikastaroetan izena eman daitekeela jakinarazi dute; bai jende aurrean berba egitekoan, bai munduko emakumeen literatura ezagutzekoan. >i. Fradua |
|
|
|
|
|
|
