 |
|
|
|
Ondarroako Kafe Antzerki jardunaldiak azaroaren 30ean hasiko dira aurten
|
|
ohiko programazioaz gain hamaikagarren edizioan umeentzako saio bat ere egingo da lehen aldiz.
|
ondarroa. Ondarroako Kafe Antzerki jardunaldien hamaikagarren edizioa azaroaren 30ean eta abenduaren 1ean eta 2an ospatuko dira aurten. Udal iturriek adierazi dutenez edizio honetan ohiko programazioaz gain, umeentzako saio bat ere izango da, lehendabiziz jardunaldi berezi hauetan.
Emanaldia Ondarroako Udaleko Kultura arloak antolatzen du, an-tzezlanak hartuko dituzten establezimenduen laguntzarekin, hain zuzen ere Basati, Kirrixki, Maddi eta Mobby Dick tabernak eta, nola ez herriko Kafe Antzokia.
Antolatzaileek esan bezala, lehen lau ekitaldiak doan izango dira, talde amateurrak hartzeko, baina Kafe Antzokian egingo diren azken biak ikusi ahal izateko bi euroko sarrera ordaindu behar dute ikusleek. Kafe Antzokian antzezlanak egitearen arrazoia da, azken bi obra hauek,"Run Run" umeentzako saioa eta "Bota Patsa" antzezlanak egingo dituzten talde profesionalek azpiegitura handiagoa behar dutela, eta horretarako eskenatoki aproposa behar dutela.
Jardunaldien lehen urtean herriko jendeak Goiko Zinera antzerkia ikusteko ohiturarik ez zuela eta, antolatzaileek lanak jendea zebilen lekura eramatea erabaki zuten, publikoarengana hurbiltzeko helburuarekin, hain zuzen ere. >a.g |
|
|
|
|
|
|
