 |
|
|
|
Zirrikituetatik begira
|
|
Unamuno gurea
|
|
Amatiño
|
|
 |
eusko Jaurlaritzaren Hizkun-tza Politikak 55,4 milioiren aurrekontua du aurten. Zenbaitek gutxitzat salatuko du eta beste hainbatek gehiegitzat, baina Unamunok alferrikotzat joko luke, haren ustez hobe genuke-eta euskara lasai hiltzen utzi eta gaztelaniaren ondareaz jabetu.
Orain ehun urte, 1908an, Alfontso XIII.ak Bartzelonara egindako bisitan, alkateak katalanez egin zion harrera eta Erregek gaztelaniaz erantzun. Ekarrizketa elebidun harek espainiar intelligentsia berotu zuen eta beroenetakoa Miguel de Unamuno izan zen. Bilbotarraren ustez, alkateak hiritar guztien izenean hitzegin zuen eta, bartzelonatar guztiek zekiten hizkuntza bakarra española zenez gero, demokraziak eskatzen omen zuen gaztelaniaz hitzegin beharra.
Jakinak dira Unamunoren gaztelaniaren aldeko apologiak eta euskara, galiziera eta katalanaren kontrako iritzi-miritziak. Unamunoren ustez Espainian nazio bat, kultura bat eta hizkuntza bat baino ez zen. "Sólo nos faltaba que en Barcelona hubiera una universidad en catalán" eta honelakoak idatzi zituen jakintzaren izenean.
Unamunok bazekien suspertzen ari ziren aldarri politikoen berri eta denak iruditzen zitzaizkion onargarri, hizkuntzarenak izan ezik: "Cobren toda la autonomía municipal y provincial que quieran, puertos francos, libertades y privilegios y fueros de toda clase; pero todo lo oficial (...) en español y, sobre todo y ante todo, la enseñanza pública en sus grados todos".
Egoera zeharo aldatu da geroztik baina ez Unamunok nahi bezala. Auskalo 55,4 milioi asko edo gutxi diren. Jaurlaritza berberak 45 milioi emango dizkie ONGei Hirugarren Mundurako. Ezin esan behintzat gure zilborrari begira gaudenik. |
|
|
|
|
|
|
