 |
|
|
|
Zirrikituetatik begira
|
|
Adinean, adineko
|
|
Josu Torre
|
|
 |
ZELAKO disgustoa! Budapestera joateko irrika bizian zegoen eta, kaka zaharra!, oraingoan ere etzaio suertatu. Malagara ez du nahi, ezkontza bidaian joan zelako, Praga edo Baltikoko herrialdetara ere eskatua zuen. Semeari eskatu dio interneten begiratzeko, zerrenda kaleratzeko ere ezin itxaron, dena delakoa jadanik jakitea onena, dio; kaka zaharra! Beste aukera bat galduta, eskerraz osasunez ondo dabil eta datorren urtean berriro eskatuko du, hain urruneko leku bitxiak ikusteko aukera ezin galdu, gaztetan lan egin beharrez gain etzuen sosik holako bidaiak egiteko, uste du etzirela antolatu ere egiten; herrialde hoien izena bera ere gerraren baten erruz ezagutzen du, egun, ordea, turismoa hartzen dutela daki. Oso politak omen dira gainera baina, oraintxe, ez ditu internet bidez ikusi ere egin nahi, "Hurrengoan izango da!, aurten hamabosta Benidorm-era eta kitto".
Hirurogei urtetik gorakoen 27.000 eskaritik gora izan ditu Bizkaiko Aldundiak, haietatik 9.600 izan dira aukeratuak bidaia horrek merke eta baldintza onetan egiteko, eskaleen kopuruko beste bi herenak hurrengo urterarte itxaron behar, bihotzmin pizkatik haratago gero ere han izango dira paradisuki hoiek eta inork ez du uste datorren urtean joateko moduan egongo ez denik.
Bidaiatzea, abentura, edonolako garraioetan munduari bira ematea, paisaiaz haratago mota orotako gizakiak ezagutzea eta abar gazte jendeari mugatua ematen du. Demagun horrela dela. Orduan, gazteak bidaiatzen dute edota bidaiatzen dutenak gazteak dira. Nor ausartzen da zenbaki zehatz bat jartzen gaztaroari edo gazte izate/sentitzeari? Ondartzarik ederrenetara, erainkin edo museo ikusgarrienetara, paradisu itxurako paisaiatara edo noranahi joateko ezin da adin mugarik izan. Adineko-n izena eman dutenak hortarako adinean daude, ziur! |
|
|
|
|
|
|
