 |
|
|
|
Jende gutxi baina salmenta onak gernikako merkatuan
|
gernika-lumo. Euriak eta tenperatura jaisteak bezeroak uxatu zituen asteleheroko plazatik, baina saltzaileak "salmenta onak" izan zituztela ziurtatu zuten. Hotzaren eraginez edo, indabak, babak eta ilarrak bikain saldu ziren. Lehenak 12 eurotan ziren -zuriak eta tolosanak- eta babak bi eurotan. Ilarrei dagokinenez, aurreko asteetan baino askoz ere gehiago ziren eta horren eraginez hiru eurotan aurki zitezkeen, orain dela bi aste bostean ere izan zirenean.
Ondo saldu ziren, baita ere, tomatea -2,75 eta 5 euro bitartean kiloa-, letxugak -50 eta 70 zentimo bitartean- eta tipulinak -euro batean txorta-. Orokorrean barazki guztiek izan zuten harrera ona, eta azak, porruak eta azelgak ere erritmo onean saldu ziren. Euriaren biktima handienak landareak izan ziren eta oso gutxi saldu ziren ortua bustirik geratu zen eta. >i.F. |
|
|
|
|
|
|
