 |
|
|
|
Ondarroako zubikarai Ipuin Lehiaketako sari banaketa egin da
|
|
Saritutako ipuinekin osatutako aldizkaria egin dute, eskuragai dagoena.
|
onDarroa. Aurtengo Augustin Zubikarai Ipuin Lehiaketako sari banaketa egin zen atzo iluntzeko 19:00etan Ondarroako Kofradia Zaharrean. Eskolarteko literatur txapelketaren XII. edizioan herriko hezkuntzako zentroetako ikasleen idazkiak izan ziren protagonista.
Irabazleei dagokienez, Lehen Hezkuntzako 5. eta 6. mailetako Irati Azkarate Beitiaren 'Gaztelu sorgindua' izan zen garaile, eta bigarren hezkuntzako lehen eta bigarren mailako ikasleen artean, 'Koloreetako errotuladorea' izenburupeko lanak eskuratu zuen sari nagusia, Ainara Zendoia Larrinaga gaztearena.
Nagusienen artean berriz, Bigarren Hezkuntzako 3. eta 4. mailetan Aitzol Guenaga Baroja gailendu zen, 'Ametsen basoa' idazkiarekin, eta Lea-Artibai mailako sariduna, azkenik, Jon Bedialauneta Sevillaren 'Bizitasuna galduz' lana izan zen. Parte hartzaile guztiek liburu bana izan zuten opari gisa parte hartzegatik.
Ekitaldian Felix Aranbarri Ondarroako Udalburuak eta Miren Josune Ariztondo Bizkaiko Aldundiko Kultura Diputatuak diplomak banatu zizkieten saridun guztiei. Lan irabazleen irakurraldia berriz, epaimahaikideen esku utzi zuten, Leire Bilbao eta Ana Urkiza idazleen gain.
Ondarroako Udalak ipuin lehiaketako aldizkaria aurkeztu zuen atzokoan ere, saritutako ipuinekin argitaratu berria izan dena. Liburukiak Euskara Saileko bulegoetan eskuragai izango direla adierazi zuten. >i.f. |
|
|
|
|
|
|
