 |
 |
|
|
 |
Gorka Martínez, Zihara Enbeita eta Miren Dobaran. argazkia: Oskar Martínez |
|
|
|
Bizkaiko Bertsolari Txapelketaren finala BECen izango da abenduan
|
|
Datorren hilean eskualdeko kanporaketak jokatuko dira; hurrengoa Getxon, maitzak 17an
|
|
|
DEIA
|
|
Bilbo. Aurtongo Bizkaiko Bertsolari Txapelketako finala Barakaldoko BEC erakustazokan izango da Abenduaren 20an. Horren berri eman zuten atzo bertan BBK fundazioak eta Bizkaiko Bertsozale Elkartek. Euskalduna txiki geratu da eta Bertsozale Elkarteak ez du inongo bertsozalerik kanpoan utzi gura, esan zuten. "Ez goaz BEC bete nahian, bertsozale guztiei legua egitera bakarrik. Hori udagoienean izango da, baina orain maiatzean Eskualdeetako Bertsolari Txapelketak jokatuko dira. Zihara Enbeita Bizkaiko Bertsozale Elkarteko komunikazino arduradunagaz batera, BBK fundaziotik Gorka Martínez eta Bizkaiko Foru Aldunditik Miren Dobaran, Euskara Sustatzeko Zuzendari Nagusiak eskeini zuten prentsaurrekoa.
Enbeitaren esanetan, Bertsolari-tza beraren moduan Bizkaiko Eskualdeetako Txapelketak ere tradizioari eutsita etenbarik aldatzen doaz. "Aurreko urteetako egitura bera izango dau aurtengo Bizkaiko Txapelketak ere. Helburuak berberak dira eta baita ezaugarriak. Horren adibide da bertsolarien belaunaldi aldaketa. Hamazortzi urte bete barri daben bertsolari batek baino gehiagok parte hartuko baitau. Euretako batzuek, ganera, Bizkaiko zein Euskal Herriko Eskolarteko Txapelketetan maila ona erakutsi dute". Horren errudunak hein handi batean bertso-eskolak dira Enbeitaren esanetan. "Hainbat urtetako lanak fruituak ematen darrai. Algortako ALBE bertso-eskola dogu horren testigu. Ipar-Uribeko txapelketan hogei lagunek parte hartuko dabe aurtengoan. Gehienak aipatu bertso-eskolan sortutakoak dira. Mungiako Taket edota Larrabetzuko bertso-eskolek egindako lana hor dago. Eta barriagoa izan arren, bere neurrian fruituak eman dute Erromoko Itzubaltzeta bertso-eskola. Busturialdean ere helduen bertso-eskola berriak sortu dira azken urteotan. Natxituko bertso-eskola eta Gernika-Lumoko Lilibertso aitatu behar dira. Lea-Artibain ez da bertso-eskola berririk sortu, baina lehengoak martxan jarraitzen dabe.
Enkarterrietan aurton lehenengoz sei bertsolarik abestuko dute. Hor ere bertso-eskolak (Hasi edo Zalla) eta irakaskuntza arautuan Bizkaiko Bertsozale Elkarteak egiten dauan lana dira errudun. Arratian Zeanuritik Igorrera egin dabe saltoa aurten. Bilboaldean lagunarteko giroari emon gura izan deutse garantiza. Durangaldean txapeldun barria aukeratu beharko dabe. Azken urteetan txapeldun izan dena ez baitau parte hartuko".
Miren Dobaran atzo adierazi zuen bezala euskara bera zein bizkaieraren transmisiorako garrantzi-tsua izan da "bertsolaritzak azken urteotan hartu dauen indar eta oihartzuna". Bere esanetan erakundeen burukominik handiena euskara gazteen artean zabaltzea eta bultzatzea da. "Gazterik gehienek euskara jakin arren, eskolan baino ez dabe erabiltzen eta euskara aisialdian erabil dagien gai izan beharko dugu aisialdirako produktu erakargarriak eskaintzen. Erreza da gazteei esatea euskara freskoa eta modernoa dala eta erabil dagiela baina behar beharrezkoa da era guztietako eskain-tzak izatea". |
|
|
|
|
|
|
