 |
|
|
|
Fikako jaien egun nagusia ospatzen dute gaur herri bazkari eta kontzertuekin
|
|
Aurten briska zein tute karta txapelketak berreskuperatu dira nobedade moduan.
|
Fika. Fikatarrek Aszentzioa ospatzen dute urtero, beraien jaiak antolatzen, eta aurten, atzerapen apur batekin bada ere, Fikako jaien txanda heldu da. Atzo hasi ziren ekintza ezberdinak, antzina bezala, kartetako txapelketak antolatu zirelako Fikako Sagardotegi eta txokoan. Antolatzailea Gamiz-Fikako Udala zen eta ekintza horrekin, adin nagusiagokoak jaietako partehartzaile bihurtu nahi izan dituzte aurtengoan. Gaur aldiz, gazteak izango dira protagonistak egun guztian.
Azken urteotan bezala, herri bazkaria antolatu dute Jai batzordekoek eguerdian, ostean kartajokoko sari banaketa egongo dela, eta baita umeentzako jolasak ere bai bostetatik aurrera. Gauean, hamaiketan, Itziarren Semeak musika taldea arituko da plazan eta kontzertuaren ondoren, denentzako erromeria Trikizio taldeak jarriko du. Gaua amaitzeko, Alexegaz disko-festa egongo da gau guztian eta goizaldean txokolatada denentzat. >L.U. |
|
|
|
|
|
|
