 |
|
|
|
Zirrikituetatik begira
|
|
Harluxet
|
|
Xabi Larrañaga
|
|
 |
lehengo baten iritzi-emaile bati gertatu zitzaion. Asteko zutabean amaginarreba aipatu zuen modu ironiko batez, eta pertsona batek kexaka idatzi zion gutuna, ea zer ote zen ateraldi hura, ea nola indartu ahal zuen era itsusi hartara amaginarreba dela-eta ohikoa dugun topikoa. Nik gauza gutxi dakit amaginarrebez, eta dagoeneko are gutxiago idatzi ahal denaz eta ezin denaz. Hiztegian errudun gutxi gelditzen baita, berba gehienek ondoan dute itzal beltz edo gorriren bat, bekatu baten arrastoa hizki bakoitzean. Edozein aukeratuta ere beti izango da irainduta sentitzen den entzulerik, barren-barrenean ikaragarrizko mina sufrituko duen irakurlerik.
Kaleko hizkera barik hozkailuko jerga gailentzen ari da. Mercadilloan oihuka ez da jada ijitorik izaten, saltzaile hotz eta hutsak baizik Bestela jai.Tabernan adiskideari alu hori! esan baino lehen pentsatu beharko dugu badirela hitz horren atzean emeen sexu-organoen kanpoaldea (Harluxet) ikusten dutenak, eta ez bat-bateko haserre xin- ple eta inozo bat. Errepidean chulo de los cojones! bota aurretik komeni izango litzateke hausnartzea zergatik A-8an potro eta ez titi, ea nondik eta noiztik datorren bazterketa semantiko bezain sasietiko hori. Non dago neurria, non muga? Botere administratiboak beti izan du lagun zentsura ideologikoa, eta gizabanakoak auto-zentsura. Baina harrigarria bada ere egunotan gero eta indar handiagoa du zentsura moralistak, aurreiritzietan oinarrituriko zentsurak. Nik gauza gutxi dakit amaginarrebez, eta gauza gutxi arrazez, eta gauza gutxi emakume, gizon eta oro har munduaz. Baina badaezpada hobe nuke elefante, zirimola, zopa, ortzadar edo sifonapteroez idatzi, arrunki arkakuso ere deritzen pterigotoen subklaseko zenbait intsektuz, alegia. Honatx errugabe bakarra: Harluxet. |
|
|
|
|
|
|
